حلول مناسبة لحجابك .. الجسم المليان حلوله سهلة جدا

دايما البنات والستات اللى
أجسامهم مليانة بيشتكوا من أنهم مش لاقيين اللبس المناسب، ومش عارفين إيه
اللى ممكن يليق معاهم، وأكيد الخوف ملازمهم من اختيار لبس يبينهم اتخن وما
يبقاش لايق عليهم أو مايبقاش شيك وعلى الموضة، وكل ما بينزلوا المحلات
تجيلهم حالة إحباط . لأ بالعكس كل اللى انتى محتاجاه موجود فى السوق وممكن
تلاقيه بسهولة. عشان كده هنقدملك النصايح اللازمة وأفضل الاقتراحات والحلول
الممكنة عشان يبقى مظهرك أحلى وتنسى إن الجسم المليان صعب تلاقيله لبس.



أولا: الكاجوال

الاختيار الأول:

• البلوزة البسيطة أو القميص البسيط ذو المرد الطويل، ولو البلوزة فيها
  شغل أو تطريز لازم يكون اتجاهها طولى أو على شكل سبعة، ويفضل اختيار نفس
  مقاس الجسم حتى لا يظهر الجسم أعرض.
  
• نختار عليهم بنطلون جينز أو جبردين ويكون بسيط من غير تطريزات أو شغل،
  ورجليه تكون واسعة قليلا أو مستقيمة ونبعد تماما عن البنطلون اللى رجليه
  ضيقة ٌلإنه مش مناسب خالص.
  

[ندعوك للتسجيل في المنتدى أو التعريف بنفسك لمعاينة هذا الرابط]











































الاختيار الثانى:

• ممكن تلبسى بلوزة قطن مظبوطة ويكون طولها مناسب مش قصيرة واختاريها
  لونها فاتح وابعدى خالص عن الباديهات الضيقة لإنها اختيار غير مناسب.
  
• إلبسى عليها جاكيت كاجوال قماشته خفيفة أو تونيك قطن وافتحيه ويفضل إنه
  يكون سادة أو ذو نقشة صغيرة جدا واختارى أى لون بس تكون الدرجة غامقة
  ويكون منسدل على الجسم.
  
• اختارى عليهم بنطلون جينز أو بنطلون قماش بسيط ويكون وسعه مناسب.
  

[ندعوك للتسجيل في المنتدى أو التعريف بنفسك لمعاينة هذا الرابط]









































ثانيا: العملى

الاختيار الأول:

• طبعا أنسب حاجة الجاكيت ذو الطول المتوسط ويكون الريفير – ياقة الجاكيت
  – طويل بحيث يظهرك أطول، واختاريه بحيث يكون فيه قصات طولية ونقشته بسيطة
  جدا مش مبهرجة ويفضل إن يكون لونه غامق أو متوسط .
  
• القميص أو البلوزة اللى هتختاريها تحت الجاكيت ممكن تكون فاتحة وذات
  نقشة بسيطة جدا أو مقلمة ده لو كان الجاكيت سادة، وممكن يتلبس عليها حزام
  رفيع لكن ابعدى تماما عن الأحزمة العريضة.
  
• البنطلون طبعا هايبقى كلاسيك وإختارى لونه حسب لون الجاكيت أو البلوزة ويفضل إنه يكون نفس لون الجاكيت.
  

[ندعوك للتسجيل في المنتدى أو التعريف بنفسك لمعاينة هذا الرابط]



































الاختيار الثانى:

• الجيلية الكلاسيكى: حل شيك جدا ومناسب للعمل وتكون فتحة الرقبة على شكل سبعة مش دايرة ويكون سادة أو مقلم بالطول.
  
• طبعا هيكون تحته قميص ونختاره دايما لونه فاتح وملائم مع ألوان
  الجيليه، وممكن تختاريه فيه حركة بسيطة زى الكشكشة بالطول الموضحة فى
  التصميم بس بشرط مايكونش حجمها أو عرضها كبير.
  
• ونختار معاهم جيب بسيطة جدا ووسعها يكون متوسط ويفضل إنها تكون سادة ولونها غامق.
  

[ندعوك للتسجيل في المنتدى أو التعريف بنفسك لمعاينة هذا الرابط]



































ثالثا: السهرة

• دايما اختارى فستان السهرة يكون بسيط مفهوش شغل كتير، وابعدى عن
  الفساتين اللى فيها درابيهات أو كشكشة بالعرض وما تختاريش الفساتين
  المنقوشة أو الكلوش أوى واللى فيها طبقات كتير لإن كل ده هايبينك أعرض
  وأقصر.
  
• اتجهى للفساتين اللى فيها قصات أو حركات بسيطة طولية، ويكون لونها غامق ومفيش تطريزات أو وحدات بتلمع حجمها كبير.
  

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]



































وهذه نصائح عامة تلخص كل اللى فات:

• ابعدى قدر الإمكان عن الأقمشة المنقوشة برسومات كبيرة والخطوط العريضة،
  وكمان الكاروهات عشان بيزيد من حجم الجسم واختارى دايما النقشات الصغيرة
  نسبيا والرقيقة.
  
• اختارى دايما الشنط صغيرة الحجم أو المتوسطة وابعدى عن الشنط الصغيرة جدا وكمان الكبيرة جدا.
  
• بالنسبة للاكسسوارات اختارى العقود الطويلة الرقيقة وابعدى عن العقود
  الكثيفة وذات الوحدات الكبيرة ويفضل التخفيف بقدر الإمكان من الاكسسوار.
  
• البسى الكعب العالى عشان يتوازن بين طولك وجمسك.
  
• وأهم نصيحة افتكرى دايما إن البساطة هى سر الأناقة.
  

يسلمو ايديكي