حلول مناسبة لحجابك .. تى شيرت واحد و6 طلات مختلفة

التى شيرت…قطعة ملبسية سهلة وبسيطة ومش
معقدة خالص هى بالضبط “السهل الممتنع”.. ليه ؟؟!! لأن فى بنات كتيير مجرد
ما تتحجب بتعتبر أن التى شيرت ما ينفعش تلبسه تانى وإنه خلاص مش هايبقى
مناسب للحجاب.

بس الكلام ده مش صحيح، لأن فى
حلول كتيرة تخلى البنت المحجبة تعرف تلبس التى شيرت، وكمان مميزاته تخلى أى
حد ميقدرش يستغنى عنه وتخليه دايما فى دولابك.. ومن مميزاته أنه بسيط
وعملى وبيوفرلك سهولة الحركة لأن خامته قطن، وتقدرى تلبسيه فى أى وقت.
وبيديلك لوك كاجوال نشيط وحيوى غير إن فيه أشكال كتيرة أوى ومختلفة للتى
شيرت غير النص كم، فى الكم التلتين والكم العادى الطويل، وغير السادة فى
المطبوع عليه رسومات لطيفة وشبابية بأشكال كتير أوى.. وفى العدد ده هسهل
عليكى لبس التى شيرت النص كم الـ Basic وهاقولك على الحلول المناسبة ليه:

1)

إلبسى التى شيرت وتحته بادى قطن
بكم بلون مختلف أو بنفس اللون ومعهم جيب جينز، اللوك ده كاجوال وعملى جدا
ومناسب للجامعة أو الخروجات العملية.

[ندعوك للتسجيل في المنتدى أو التعريف بنفسك لمعاينة هذا الرابط]

2)

إلبسى التى شيرت وعليه جيليه طويل
أو صديرى قصير، وتحته بادى قطن طويل بكم لونه مختلف أو بنفس لون التى شيرت
ومعاهم بنطلون جينز أو جبردين، اللوك ده شبابى جدا ومرح ومناسب للجامعة أو
الخروج مع أصحابك.

[ندعوك للتسجيل في المنتدى أو التعريف بنفسك لمعاينة هذا الرابط]

3)

إلبسى التى شيرت وفوقه بوليرو
أنيق ومعاهم جيب كلوش أو جيب بنطلون، اللوك ده عملى وكلاسيك فى نفس الوقت
لخروجات أكثر أهمية، وضيفى عليهم عقد لطيف ليضفى على التى شيرت شياكة
وكلاسيكية.

[ندعوك للتسجيل في المنتدى أو التعريف بنفسك لمعاينة هذا الرابط]

4)

تقدرى تلبسى التى شيرت وفوقه
جاكيت جينز أو جبردين قصير أو متوسط الطول، ومعاهم جيب كلوش منسدلة، هذا
اللوك أيضا عملى وشيك وفيه لمسة أناقة لأن الجيب الكلوش تضفى عليكى أنوثة
وأناقة.

[ندعوك للتسجيل في المنتدى أو التعريف بنفسك لمعاينة هذا الرابط]

5)

أكيد مش هتصدقى لو قلتلك إنك ممكن تلبسى التى شيرت فى خروجات أومقابلات رسمية تحت الجاكيت الكلاسيك، ممكن جدا بس بشروط:

- أولا : إنه يكون سادة من غير رسومات أو تطريزات ويفضل الألوان الغامقة أو المتوسطة.

- ثانيا : إنه يكون مضبوط على الجسم علشان مايغيرش أو يعوق من شكل الجاكيت الكلاسيك.

- ثالثا : اضيفى عليه اكسسوار أنيق أو إيشارب شيك ليغير من مظهر التى شيرت البسيط.

[ندعوك للتسجيل في المنتدى أو التعريف بنفسك لمعاينة هذا الرابط]

6)

الجاكيت القطن الطويل المسندل
مناسب جدا للتى شيرت مع البنطلون الجينز أو الجبردين، وضيفى عليهم حزام
بسيط.. وده كمان لوك شيك وعملى جدا.
[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» حلول مناسبة لحجابك .. الجسم المليان حلوله سهلة جدا
» اختيار الملابس المناسبة لأي مناسبة
» مره سواق ماشى على الطريق فلقى واحد لابس احمر في احمر فوقف التاكسي قالوا