اطلب منك....؟

بسم الله الرحمن الرحيم


يامنى النور احبك يا .............. *** ليتنا في لذة الدنيا جميع

خف دمك مايغطيه القناع *** ياغنات الروح ياورد الربيع

شكلك الجذاب وعيونٍ وساع *** عايشٍ في حكمته لمرك مطيع

ودي اطلب منك قدام الضياع *** اتفاقٍ في الهواء قبل المضيع


صفوة القلبين كنزٍ مايباع *** مستواها في البشر شيٍ فظيع

اتركي ناسٍ محبتهم خداع *** حبهم ساعات وايام ويضيع

للبشر مكشوف ويحين الوداع *** بالزعل والكره والهرج الصنيع

الهواء بيني وبينك مايذاع *** فيه سر الحب من صدر وسيع

يتصل دايم ولا فيه انقطاع *** نشتري بسط الغرام ولا نبيع

فكري وامرك ليا قلتي مطاع *** ارحميني يادوا القلب الوجيع

الهواء يحتاج امانه واندفاع *** ماهويت لحب غيرك في الجميع